Kurti: Njëri-tjetrin mund “ta mundim” vetëm me fakte, me argumente, me logjikë e me mjete demokratike

Kryetari i Lëvizjes Vetëvendosje njëherit kryeministri në ardhje Albin Kurti, ka reaguar pas sulmit në të gazetarit Visa Duriqi, shkruan Botaelajmeve.

 

Kurti në rrjetin e tij facebook ka shkruar se qeveria kujdestare rekordeve të veta të këqija po u shton edhe atë të problemeve me rendin publik. Rrahja e familjarëve të politikanëve për shkak të qëndrimit të tyre politik, rrahja e gazetarëve për shkak të punës dhe fjalës së tyre, janë fenomene negative që populli i Kosovës nuk i duron.

 

“Qeveria e ardhshme e konsideron si mision ruajtjen e demokracisë dhe të lirisë së fjalës, bindjes e veprimtarisë politike, sipas ligjit. Ata që mendojnë se mund ta ndalin demokracinë me gangsterizim, le ta dinë se koha e tyre ka perënduar. Njëri-tjetrin mund “ta mundim” vetëm me fakte, me argumente, me logjikë e me mjete demokratike. U bëj thirrje forcave të rendit që me profesionalizëm e angazhim të vënë sa më shpejt para përgjegjësisë dhunuesit”, ka shkruar Kurti.

Poashtu Kurti i uron shërim të shpejtë e rikthim në detyrë gazetarit Visar Duriqi./Botaelajmeve

Të ngjashme