Loredana merr vëmendjen me pozat në bikini nga pushimet në Dubai

Dy reperët e njohur, Mozzik dhe Loredana Zefi, janë duke shijuar disa ditë të mira pushimi në Dubai.

Së bashku me vajzën e tyre të vogël, Hanën, çifti i dikurshëm që thuhet se tashmë janë ribashkuar, po i shijojnë ditët e ngrohta që mbizotërojnë aktualisht edhe në këtë periudhë të vitit në Emiratet e Bashkuara Arabe.

Ata kanë ndarë me ndjekësit në rrjetet sociale imazhe të ndryshme, nga momentet e këndshme që po shijojnë së bashku.

Ka qenë reperja Loredana Zefi ajo e cila ndër të tjerash ka publikuar në InstaStory një fotografi, ku shfaqet me bikini në plazhi ne Dubait.

Foto: Loredana/InstaStory

Ajo duket mjaft atraktive dhe në formë të mirë trupore, ndërsa ishte kombinuar edhe me një varëse në formë kryqi në qafën e saj.

Reperja me prejardhje nga Ferizaj ka vazhduar të ndajë me ndjekësit në rrjetet sociale fotografi të shumta, duke treguar relaksin që po e shijon gjatë këtyre ditëve.

Foto: Loredana/InstaStory

Ky pushim i saj vjen pas një angazhimi permanent në muzikë, pasi për muaj të tërë ka sjell projekte të shumta muzikore, të cilat janë pritur mirë nga fansat e saj.